Një grua ka kapur momentin tronditës kur rrufeja goditi verandën e saj.
Përdoruesja e TikTok, Stacy Holley e nxori kamerën e saj pikërisht në kohën e duhur gjatë një stuhie shiu, transmeton Telegrafi.
Në një ditë me shi të rrëmbyeshëm, Holley përjetoi të pamundurën kur rrufeja goditi verandën e saj, që dukej se kishte një çati prej kallaji.
“Rrufeja goditi verandën time sapo fillova të incizoja shiun”, shkroi Holley në mbishkrim.
Videoja filloi me Holley-n që hapte derën (derisa qëndronte brenda) kur lëvizi kamerën përreth për të treguar shiun e dendur që rrethonte verandën e saj. Pastaj u dëgjua një zhurmë shpërthimi. Rrufeja kishte goditur një pjesë të çatisë, duke bërë që prushi të shpërthejë kudo. /Telegrafi/