Në vazhdën e luftimit të dukurive negative, Policia e Kosovës vetëm gjatë 24 orëve të fundit ka arritur të konfiskojë 48.2 gramë marihuanë vetëm në Prishtinë.
Rastet e përdorimit të marihuanës janë zbuluar në tri lokacione në Prishtinë në rrugën Eqrem Qabej, Abdyl Frashëri dhe Enver Zymberi.
“Është arrestuar i dyshuari mashkull K/Shqiptar pasi gjatë kontrollit te i njëjti është gjetur dhe konfiskuar një sasi e substancave narkotike e dyshuar si marihuanë me peshë 42.2 gram. Pas intervistimit me urdhër të prokurorit i dyshuari është liruar në procedurë të rregullt.
Janë ndaluar dy te dyshuara femra K-Shqiptare dhe gjate kontrollit tek te njëjtat janë gjetur dhe konfiskuar dy qese me substance te dyshuar narkotike te llojit Marihuanë me peshe prej 4.8 gram. Nuk raportohet për te arrestuar. Me urdhër te prokurorit rasti shkon ne procedure te rregullt
Është arrestuar i dyshuari mashkull K/Shqiptar pasi qe gjatë kontrollit tek i njëjti është gjetur dhe konfiskuar një sasi e substancave narkotike e dyshuar si marihuanë me peshë 1.2 gram. Pas intervistimit me urdhër të prokurorit i dyshuari është liruar në procedurë të rregullt”, ka njoftuar policia. /Telegrafi/