Ministri i Shëndetësisë, Arben Vitia ka bërë të ditur se për herë të parë në sistemin publik ka ardhur procedura e re kirurgjike VATS.
Vitia përmes një shkrimi në Facebook, ka thënë se VATS është procedurë kirurgjike mini-invazive, aktualisht është metoda që po zë vend kudo në intervenime ngase siguron cilësi në ndërhyrjet operative.
Në prezantimin e shërbimit të ri në kirurgjinë torakale, i pranishëm ishte edhe drejtori i ShSKUK-së, Elvir Azizi, si dhe drejtori i Klinikës së Kirurgjisë torakale Dr. Nazmi Kolgeci.
Sipas ministrit, më herët rastet e pacientëve janë dërguar jashtë vendit, ndërsa tani e tutje ato do të kryhen brenda sistemit shëndetësor.
Trajtim jashtë vendit dhe kostoja për këtë trajtim është 35 mijë euro.
Vitia tha se vlera e këtij investimi në aparaturë moderne është rreth 250.000 euro.
Ai theksoi se shpenzimet vjetore më herët për trajtimin jashtë vendit të pacientëve kanë qenë 700 mijë euro.
“Falënderova stafin për përkushtimin dhe efikasitetin e treguar. Në veçanti Dr. Xhevdet Ademaj, mjek në Gjermani me mbështetjen që po jep në shërbim të kësaj procedure”.
“Vijojmë me pajisje bashkëkohore e shërbime të reja për sistemin publik”, shkroi Vitia./Telegrafi/
