Çmimet e naftës dhe benzinës kanë shënuar ngritje për shkak të agresionit rus në Ukrainë, që filloi më 24 shkurt të këtij viti.
Kosova nuk ka rafineri dhe karburantet e importon nga vendet e tjera.
Sipas një infografike të publikuar në Radio Evropa e Lirë, që përfshin periudhën 24 shkurt – 8 mars, Kosova ka importuar më së shumti naftë nga Arabia Saudite.
Për dy javë, Kosova ka blerë nga ky shtet gati 20 milionë litra derivate.
Shtete tjera prej të cilave vendi e importon naftën janë Maqedonia e Veriut, Greqia, Turqia, Serbia, Rumania, Bullgaria dhe Emiratet e Bashkuara Arabe.
Nga 24 shkurti deri më 8 mars, në Kosovë janë importuar rreth 31.5 milionë litra karburante.
