Conor McGregor ka lënë të kuptohet se mund të rikthehet në UFC me 170 kilogramë, pasi iu nënshtrua një transformimi të madh në peshë.
Notorious ka luftuar në peshën e lehtë vetëm tre herë në karrierën e tij legjendare të MMA-së, dy herë kundër Nate Diaz në vitin 2016, nga të cilat ai fitoi një dhe humbi një, dhe kur mundi Donald Cerrone në 2020.
Pasi bëri emër në peshën e vogël (65 kilogramë), ai ka luftuar kryesisht me peshën e lehtë (70 kilogramë) në promovimin e Dana White. Por, kjo mund të vendoset të ndryshojë pas kthimit të tij të shumëpritur në oktagon.
McGregor postoi foto të tij me 65 kilogramë në vitin 2015, 70 kilogramë vitin e kaluar dhe një stërvitje të fundit me “77 kilogramë?”, duke lënë të kuptohet në rrjetet sociale se cili do të jetë objektivi i peshës së tij.
Që nga thyerja e këmbës në luftën e tij të fundit kundër Dustin Poirier në korrik 2021, McGregor është rritur ndjeshëm. Kohët e fundit ai pretendoi se tani peshon 125 kilogramë, që mund të jetë një aludim i tepruar, pasi në këtë peshë është Tyson Fury, kampioni i boksit në WBC. /Telegrafi/