Kandidati kryesor i LSDM-së në NJZ 1, Stevo Pendarovski sot në fillim të fushatës zgjedhore për zgjedhjet e 11 dhjetorit njoftoi zgjatjen e mandatit të Prokurorisë Speciale Publike, por edhe krijimin e Departamentit të Gjykatës Speciale për procesimin e rasteve nga PSP, përcjell Telegrafi Maqedoni.
‘Pas fitores zgjedhore të 11 dhjetorit, menjëherë do të vazhdohet mandati i PSP-së, me çka do t’i mundësohet kohë e mjaftueshme për shqyrtimin e rasteve që dalin nga bisedat e përgjuara telefonike të paligjshme’, theksoi Pendarovski.
Sipas tij, krijimi i njësisë speciale nuk paraqet sistem paralel gjyqësor, por në ligj ka një mundësi të formimit të njësisë speciale, të specializuar për lëndë të veçanta. /Telegrafi/