Peja dhe Ylli do të përballen në ndeshjen e tretë gjysmëfinale në ‘Play-Off’ të elitës së basketbollit kosovar.
Kjo mund të jetë edhe ndeshja e fundit në këtë seri gjysmëfinale mes dy skuadrave, vetëm nëse fiton Peja.
Verdhezinjtë kanë marrë dy fitore në dy ndeshjet e para, një në Pejë dhe një në Suharekë, derisa synojnë ta bëjnë një gjë të tillë edhe në sfidën e tretë.
Për Yllin kjo do të jetë një ndeshje vendimtare, pasi kërkojnë të bëjnë rikthimin e madh.
Pejanët kërkojnë fitore për të kaluar në finale, ndërkohë Ylli synon rikthimin e madh.
Dueli mes Pejës dhe Yllit zhvillohet në ‘Karagaçi’ me fillim nga ora 20:30. /Telegrafi/