Kryetari në detyrë i Partisë Demokratike, Enklejed Alibeaj ka reaguar pas vendimit të Komisionit të Ankimimeve dhe Sanksioneve në Komisionin Qendror të Zgjedhjeve, që i hap rrugë regjistrimit të PD-së në zgjedhje.
Në një postim në Facebook, Alibeaj u shpreh se vendimi i KAS-it është konfirmim i detyrimit ligjor për të regjistruar PD në zgjedhjet lokale të 14 majit.
“Vonesa gati dy javore për këtë proces, me autor kryekomisionerin Celibashi është një dëm që u është bërë demokratëve dhe shqiptarëve nga zgjatimet e politikës së vjetër në institucionet e pavarura kushtetuese”, tha Alibeaj.
“Me këtë rast, edhe njëherë ftojmë të gjithë kandidatët demokratë, pa asnjë dallim të bashkohemi dhe të prezantohemi me një kandidat të PD në zgjedhjet lokale. Le të lemë mënjanë mëritë dhe mosmarrveshjet dhe le të bëjmë më të mirën e mundshme përballë regjimit të Edi Ramës”, shtoi Alibeaj. /Telegrafi/
