Dimitri Payet ka aluduar në një rikthim të tijin te ish-skuadra nga Ligue 1, Marseille.
Klubi i madh francez është marrë përsipër nga ish-pronari i Los Angeles Dodgers, dhe tani kanë plane të mëdha për t’u kthyer në krye të futbollit francez.
Një lëvizje e madhe pritet të jetë afrimi i ish-yllit të tyre, Dimitri Payet, i cili ka aluduar edhe vet për një rikthim në Welodrome, por drejtuesit e skuadrës nga Londa kanë thënë që nuk dëgjojnë për oferta nën 50 milionë funte.
“Unë nuk e kam mbyllur derën për askënd”, ka thënë fillimisht Payet për SFR Sport, përcjell Telegrafi.
“Marseille kanë një projekt të ri që duket interesant. Përveç kësaj, ne jemi padyshim duke pritur për të parë gjëra të mira nga pronarët e rinj, por Marseille e di se si unë jam i lidhur me klubin”.
“Kur flas për këtë, them gjërat më të mira të mundshme, sepse kjo është ajo që unë mendoj”, përfundoi anësori francez.
Ndryshe, Payet ka shënuar dy gola në Ligën Premier për West Hamin deri më tani këtë sezon. /Telegrafi/