Mesfushori ofensivë francez, Dimitri Payet ka lënë kampionatin anglez për tu rikthyer në Francë.
29-vjeçari edhe zyrtarisht është rikthyer në skuadrën e Olympique Marseille që gjeti akord me West Ham Unitedin pas rreth tri javëve negociata.
Vetëm dy vite më parë Marseille e shiti për 15 milionë euro Payetin në klubin anglez.
Ndërkohë tani gjiganti francez ka paguar 29 milionë euro për ta rikthyer yllin e tyre në ‘Veledrome’.
Payet ka nënshkruar kontratë afatgjate deri në qershor të vitit 2021 me klubin më të trofeshëm në Francë.
Prezantimi i tij është bërë në orët e para të mëngjesit të ditës së hënë, ndërkohë reprezentuesi francez ka thënë se është i lumtur që është rikthyer në Marseille. /Telegrafi/
