Dimitri Payet nuk pritet të mbetet në West Ham United pasi ka krisur marëdhëniet me klubin anglez.
Trajneri i West Ham, Slaven Bilic ka thënë se janë të zhgënjyer nga Payet i cili ka kërkuar largimin.
E ardhmja e tij pritet të jetë në vendlindje, pasi ish-skuadra e tij Olympique Marseille po e kërkon me ngulm.
Gjiganti francez është gati të bëjë një ofertë prej 35 milionë funteve për transferimin e Payet në ‘Stade Veledrome’.
Kërkesa e Payet duket se do të pranohet nga West Ham që nuk duan ta mbajnë lojtarin pa vullnetin e tij në Londër.
Kujtojmë që për lojtarin interesim kanë shfaqur edhe dy gjigantët anglez, Arsenal dhe Manchester United. /Telegrafi/