Instituti ”Pavell Shatev” ka publikuar të dhënat e fundit të anketës për votëbesimin e partive politike në Maqedoni, transmeton Telegrafi Maqedoni.
Sipas kësaj ankete, VMRO-DPMNE gëzon 37.9% mbështetje, kurse LSDM gëzon 16.1% mbështetje, ndërkaq 26.9% e të anketuarve nuk do të votonin për asnjë parti politike.
Më tej, anketa thotë se lideri i VMRO-DPMNE-së ka mbështetjen e 52.3% të të anketuarve, kurse ai i LSDM-së gëzon mbështetjen e 19.1% të të anketuarve, kurse 28.6% e tyre nuk kanë dhënë asnjë përgjigje.
Në punën e prokurores speciale publike, Katica Janeva nuk besojnë 64.3%, kurse vetëm 23.4% kanë besim të plotë. 88.4% e të anketuarve mendojnë se akuzat e PSP-së ndaj funksionerëve të lartë shtetëror nuk do të ndikojnë në vendimin e tyre se për kë do të votojnë, kurse 5% mendojnë të kundërtën.
Anketa është realizuar përmes telefonatave me 1075 qytetarë të Maqedonisë, në periudhën nga 13 deri 15 mars të këtij viti./Telegrafi/