Paul George ka treguar pse ka qenë kandidat legjitim për MVP duke mposhtur me një treshe në sekondën e fundit Houston Rockets.
Oklahoma triumfoi me rezultat 112-111 dhe më meritor për këtë ishte Paul George me treshen e realizuar në çastet e fundit, fitore kjo që ka mundur të jetë vendimtare për renditjen e playoffit.
George mbylli mbrëmjen me 27 pikë e 4 topa të vjedhur, kurse triple double regjistroi Westbrook me 29 pikë, 12 kërcime dhe 10 asistime.
Te Houstoni i pandalshëm ishte James Harden me 39 pikë e 10 kërcime.
Oklahoma kështu vetëm sa e forcon pozitën e gjashtë, pozitë kjo që me dy ndeshje të mbetura ja garanton një përballje sërish me Houston Rockets në rrethin e parë të playoffit. /Telegrafi/
