Real Madridi e ka tërhequr interesimin për mbrojtësin e Villarrealit, Pau Torres – shkruan El Nacional.
Paraqitjet e mira të 24-vjeçarit kishin joshur interesimin e klubeve të mëdha, në mesin e të cilëve ishin edhe Los Blancos.
Deri para disa javësh, spanjolli ishte prioritet i Mbretërve për zëvendësim afatgjatë të ish-kapitenit, Sergio Ramos, i cili u transferua drejt Paris Saint-Germainit.
Megjithatë, tashmë Reali e ka zbehur interesimin për mbrojtësin, i cili ka një klauzolë në vlerë prej 65 milionë euro.
Manchester Unitedi është një prej klubeve tjera që ka shprehur interesim për futbollistin e Villarrealit. /Telegrafi/