Një burrë në Ohio është shpëtuar në sekonda e fundit para se të shpërthejë vetura e tij që ishte përfshirë nga zjarri.
Burri i identifikuar si Randy i kishte telefonuar policisë – duke ua bërë me dije se ka problem me frenat derisa ishte prapa timoni në një autostradë në Columbus, transmeton Telegrafi.
Disa sekonda më vonë, ai u përplas në një shtyllë betoni të një ure – ku u lëndua dhe mbeti i ngujuar brenda veturës që po digjej.
“Po bëhet nxehtë këtu, nuk po mund të dalë, më është thyer këmba. Nuk po mund të dalë nga vetura, më nxirrni nga këtu”, u thotë ai policëve gjatë bisedës telefonike.
Kamerat e vendosura në uniformat e policisë së Columbus, shfaq momentin kur arrijnë në vendin e ngjarjes dhe gjejnë veturën e dëmtuar, që ishte përfshirë nga zjarri dhe çdo moment pritej të shpërthente.
Megjithatë, policët arrijnë ta nxjerrin dhe largojnë nga vetura, vetëm pak sekonda para se të dëgjohet një shpërthim i fuqishëm dhe e tërë vetura të digjet. /Telegrafi/
