Vetëm tetë njerëz në botë, ku të gjithë janë meshkuj, posedojnë pasuri sa 3.6 miliardë njerëz në botë, më saktësisht sa gjysma e popullsisë së botës, thuhet në një analizë të publikuar nga organizata humanitare Oxfam.
Oxfam ka shfrytëzuar të dhënat e listës së Forbes që ishte kishte publikuar në shkurt të vitit të kaluar, sipas të cilës tetëshen e famshme e përbëjnë, themeluesi i kompanisë Microsoft, Bill Gates, themeluesi i shtëpisë së modës spanjolle ZARA, Amancio Ortega dhe investitori Warren Buffett, transmeton Telegrafi.
Pas tyre vijnë manjati meksikan Carlos Slim, drejtori i Amazon, Jeff Bezos, themeluesi i Facebook, Mark Zuckerberg, bashkëthemeluesi i “Oracle”, Larry Ellison dhe ish-kryetari i New York-ut, Michael Bloomberg. /Telegrafi/