Amvisat me përvojë përpiqen të na lehtësojnë telashet me këshilla dhe truke të dobishme
Në një grup në Facebook shpesh ndahen këshilla për këtë temë dhe njëra prej tyre tërhoqi vëmendjen si të përdoruesve të këtij rrjeti social, ashtu vëmendjen tonë.
Domethënë, një grua pyeti se si të shpëtojë nga pluhuri dhe papastërtia që mblidhet midis radiatorit dhe murit.
Përgjigjja mblodhi shumë pëlqime shumë shpejt dhe do ta kuptoni pse, transmeton Telegrafi.
Edhe pse disa i sugjeruan blerjen e një furçe të veçantë për të pastruar radiatorin për të eliminuar pluhurin që mblidhet pas radiatorit, të tjerë e këshilluan që të mos shpenzonte para, sepse ka një mënyrë shumë më të thjeshtë për ta zgjidhur këtë problem.
Për t’i përmirësuar gjërat, ju nevojitet vetëm një aparat që shumica prej jush e keni tashmë në shtëpi. Është tharësja e flokëve.
A e kuptoni se si funksionon gjithçka?
Aktivizoni tharësen e flokëve dhe drejtojeni në drejtim të pluhurit.
Ajri nga tharësja e flokëve do të shpërndajë pluhurin, të cilin më pas mund ta pastroni lehtësisht me fshesë elektrike dhe në këtë mënyrë të rregulloni rrëmujën.
– Unë përdor një tharëse flokësh për të hequr pluhurin dhe më pas fshij atë që del jashtë – shkroi një përdorues dhe i kënaqi të gjithë në grup. /Telegrafi/