Protestat kundër masave anti-COVID që i ka vënë qeveria holandeze, kanë eskaluar.
Në fotografitë dhe videot e publikuara mund të shihen demonstruesit duke hedhur gurë mbi policinë në qytetin e Hagës, transmeton Telegrafi.
Kjo ndodhi pasi që policia shkrepi disa plumba paralajmërues për të frikësuar demonstruesit gjatë natës së kaluar në Roterdam, shkruan BBC.
Pesë policë janë lënduar e shtatë persona janë arrestuar. Për ta shpërndarë masën në Hagë, policia përdori topa uji.
E konflikte paksa më të vogla ka pasur në qytetin Urku dhe qytetet e tjera, ku huliganët e futbollit ndërprenë dy ndeshje, ku si pasojë e masave anti-COVID janë zhvilluar pa shikues.
Chaos in #Hague as demonstrators #protest against government restrictions due to the #coronavirus pandemic; #Dutch police arrest seven amid the unrest.#TheNetherlands #COVID19 pic.twitter.com/5BegK4qlJq
— The Vigilant Fox (@VigilantFox) November 21, 2021
Dhunë dukshëm më pak ka pasur krahasuar me netët e kaluara, kur në “dhunën e orgjisë” siç e quajti kryetari i Roterdamit, me armë zjarri u plagosën tre persona dhe 51 tjerë u arrestuan.
Holanda javën e kaluar u bë vendi i parë në Evropën Perëndimore, që aplikoi izolimin e pjesshëm për shkak të rritjes së rasteve me coronavirus.
#netherlands #anticovid #COVIDIOTS 💥 #Hague https://t.co/XtcJYMSprc
— Larry B. (@Larry_Bateman) November 21, 2021
Këto masa do të jenë në fuqi për të paktën tri javë, e planifikohen edhe masa tjera siç është kufizimi i hyrjes në disa lokacione për personat që nuk janë vaksinuar. /Telegrafi/
