Bebe Rexha ka vazhduar me reagimet e saj kundër politikave të presidentit amerikan, Donald Trump.
Kreu i Shtëpisë së Bardhë njihet si një kundërshtar i fuqishëm i imigrantëve, ndërsa kundër tij vazhdimisht po ka protesta edhe nga yjet e njohura të skenës dhe ekranit.
“Unë jam vajzë e një imigranti. Nuk do të isha këtu po të mos vinte babai im në Amerikë nga Shqipëria”.
“Ky është vendi i të lirëve. Mos e shkatërroni ëndrrën amerikane”, ka shkruar në Instagram këngëtarja shqiptare, emri i vërtetë i të cilës është Bleta.
Postimin e ka shoqëruar me videon, në të cilën ajo e shau presidentin amerikan gjatë një koncerti.
Ndryshe, prindërit e këngëtares Flamur Rexha dhe Bukurije Rexha janë shqiptarë nga Maqedonia (babai nga Dibra, kurse nëna nga Gostivari), të cilët emigruan na SHBA në vitet e tetëdhjeta. /Telegrafi/