Një aeroplan i aviokompanisë “United Airlines” është detyruar të bëjë ulje emergjente në aeroportin ndërkombëtarë të New Jersey, pasi nga motori i aeroplanit filloi të del flakë.
Aeroplani kishte për destinacion Los Angeles dhe brenda tij ishin 168 pasagjerë, kur pak minuta pasi u ngrit në ajër pasagjerët vërejtën se motori ishte përfshirë nga zjarri, transmeton Telegrafi.
Videoja e publikuar më poshtë është filmuar nga një pasagjer që ishte ulur pranë krahut të majtë të fluturakes, i cili detyroi pilotin të bëjë ulje emergjente.
Për fat të mirë piloti ka arritur ta zbret në tokë aeroplani, kurse pasagjerët dhe ekuipazhi nuk kanë pësuar as më të voglin lëndim. Ndërkaq aviokompania i ka drejtuar pasagjerët te një aeroplan tjetër për të vazhduar rrugëtimin e tyre. /Telegrafi/
