Kim Kardashian ka shkaktuar debat të madh në shtetin e traditës dhe kulturës, Japoni.
Bukuroshja amerikane me prejardhje armene, prezantoi linjat e reja të të brendshmeve, të emëruar sipas një veshjeje tradicionale, “Kimono”.
Kjo bëri që japonezët nisën të reagonin në rrjetet sociale kundër vendimit të saj dhe përhapën hashtagun #KimOhNo.
Natyrisht, zeshkania duket se e frikësuar se mund të humb fansa në shtetin japonez, ajo u tërhoq nga vendimi i marrë ditë më parë.
“Të jesh një sipërmarrëse dhe shefja e vetes ka qenë një nga sfidat më të dobishme, me të cilat jam bekuar në jetën time. Ajo që e ka bërë të mundur për mua pas gjithë këtyre viteve ka qenë lidhja direkte e komunikimit me fansat e mi dhe publikun. Jam gjithmonë duke dëgjuar, duke mësuar dhe duke u rritur – e vlerësoj shumë pasionin dhe perspektivat e ndryshme që njerëzit sjellin tek unë”.
“Kur njoftova emrin e linjës sime të të brendshmeve, e bëra këtë me qëllimet më të mira në mendje. Markat dhe produktet e mia janë ndërtuar me gjithë përfshirjen dhe diversitetin në thelbin e tyre dhe pas një mendimi dhe konsiderate të kujdesshme, do të prezantoj markën time Solutionwear nën një emër të ri. Do të jemi në kontakt së shpejti. Faleminderit për mirëkuptimin dhe mbështetjen tuaj”, shkroi Kim në një postim në Instagram. /Telegrafi/