Në adaptimin filmik të romanit “The Earthquake Bird” të autores britanike, Susanne Jones, që është duke e realizuar Netflix, rolin kryesor do ta luajë Alicia Vikander.
Aktorja u bë e njohur për rolet e suksesshme në filmat fantastiko-shkencorë, si “Ex Machina” dhe “Tomb Raider”.
“The Earthquake Bird” është një triler, ngjarja e të cilit është e vendosur në Japoni.
Filmi flet për një femër të re, e cila është zhvendsour në Tokio për të nisur jetë të re dhe për ta gjetur lumturinë.
Mirëpo, në vend të kësaj, është akuzuar për vrasje, pasi që shoqja e saj, e cila ndodhet në një lidhje me një fotograf, zhduket.
Xhirimet e filmit do të realizohen në Tokio dhe në ishullin japonez, Sado, rreth 50 kilometra larg Honshuas.
I famshmi Ridley Scott është producent ekzekutiv i këtij filmi.
Filmi është dashur të realizohet nga Amazon, mirëpo në momentet e fundit u vendos që të realizohej nga Netflix. /Telegrafi/