Gjatë ditës së sotme (e martë) ka qarkulluar në media një lajm në të cilin përflitej për një lidhje të mundshme mes artistes kosovare, Dua Lipa, me futbollistin e Real Madridit, Marco Asension.
Sipas CNN turk, dyshja në fjalë kishin kaluar natën së bashku pas përfundimit të ndeshjes finale Real Madrid – Liverpool, të shtunën në mbrëmje.
Mirëpo një lajm i tillë del të jetë krejtësisht i pavërtetë, dhe këtë gjë e ka hedhur poshtë edhe vet këngëtarja përmes një statusi të publikuar në rrjetin social Twitter.
Ajo ka shkruar se nuk e takuar asnjëherë në jetë Marcon, duke ironizuar më pas edhe me faktin se ajo dhe menaxheri i saj janë fansa të Liverpoolit, dhe një gjë e tillë do të ishte e pafalshme për të.
“Nuk e kam takuar kurrë Marco Asension dhe është e pamundur të ndodh, sepse agjenti im i cili është fans i Liverpoolit nuk do të më falte asnjëherë”, ka shkruar Lipa në Twitter.
https://twitter.com/DUALIPA/status/1001503522020618240?s=20
E njëjta nuk ka qenë shumë e përfolur në media për jetën e saj private, të cilët duket se e ruan me fanatizëm.
Kujtojmë që artistja shqiptare pati një paraqitje të shkëlqyer natën e së shtunës në hapjen e ndeshjes finale në Ligën e Kampionëve, ku dhuroi një performancë spektakolare pas interpretimit të disa prej hiteve të saj. /Telegrafi/
