Telegrafi

Pas problemeve shëndetësore, Gjon Karrica largohet përfundimisht nga Big Brother VIP Kosova

Këngëtari Gjon Karrica i cili u bë i famshëm edhe me pjesëmarrjen e tij në Big Brother VIP Kosova së fundmi u përball me disa shqetësime shëndetësore.

Ai u detyrua të linte papritur shtëpinë  famshme për të marrë trajtim mjekësor dhe ndonëse gjendja e tij shëndetësore tani është stabile ai do ta ketë të pamundur të vazhdoj rrugëtimin e tij në BBVK.

Kështu u bë e ditur sonte (e premte) gjatë ‘Prime’ ku u tha se Gjoni është me shëndet të mirë megjithatë rregullat e formatit nuk e lejojnë që të rikthehet përsëri në BB VIP Kosova.

Foto: Screenshot/Big Brother VIP Kosova

“Gjoni pas shqetësimit që ka patur është në gjendje të mirë shëndetësore dhe në disponim, për shkak të ftohjes më të thellë që ka ai duhet të vazhdojë të jetë në trajtimin mjekësor. Gjoni nuk do të mund të vazhdojë garën, pasi edhe rregullat e formatit janë nëse një banorë është në trajtimin mjekësor mbi 48 orë jashtë shtëpisë nuk do të mund të vazhdojë më garën”, u tha gjatë spektaklit.


Kujtojmë që Gjoni i njohur ndryshe edhe si Lugati qëndroi në shtëpinë e famshëm mbi 40 ditë duke sjellur pozitivitet dhe debate me banorët.

Lexo po ashtu Të gjitha lajmet nga Gjon Karrica

Gjatë qëndrimit të tij në Big Brother VIP Kosova, Gjoni u befasua nga bashkëshortja dhe djali i tij ku edhe mori lajmin që do të bëhet baba për herë të dytë. /Telegrafi/