Irina Shayk dhe Bradley Cooper, së fundmi kanë qenë ndër emrat më të lakuar në mediat rozë, pas përfundimit të romancës së tyre katërvjeçare.
Ndarja e dyshes erdhi pas filmit “A Star Is Born”, pasi spekulohej për një aferë të aktorit me yllin botëror, Lady Gaga.
Megjithatë, pas ndarjes nga Cooper, Shayk ka nxitur thashetheme për një romancë të re, ndërsa ishte fotografuar pranë një mashkulli, vetëm disa javë pasi lidhja e saj përfundoi.
Ata u panë së bashku rrugëve të New Yorkut, duke lënë fansat të mendonin se ka nisur një lidhje të re. Tani, ai është identifikuar si drejtori kreativ britanik i Vogue, Alec Maxwell.
Ndër të tjerash, Irina në intervistën e fundit të dhënë për Harper’s Bazaar ka folur haptas për ndjenjat e saj, për herë të parë që nga ndarja me aktorin amerikan.
Modelja ka potencuar se ende beson në dashuri dhe martesë përkundër dështimeve që ka pasur. /Telegrafi/