Kryeministri i Malit të Zi, Dritan Abazoviq, gjatë vizitës që ia bëri komunës së Prishtinës, nga kryetari Përparim Rama u nderua me “Çelësin e Prishtinës”.
Abazoviq me këtë rast tha se në Prishtinë ndjehet si në shtëpinë e tij.
“Ky Çelës është simbolik që të bëhem qytetar i Prishtinës dhe me të vërtetë e ndjejë veten si në shtëpinë time…”, u shpreh Abazoviq.
“Falënderoj kryebashkiakun e Prishtinës, Përparim Rama për akordimin e ‘Çelësit’ të qytetit të Prishtinës. Kjo për mua është nder dhe motivim i madh që të afirmoj ide të reja dhe të ardhmen më të mirë për Ballkanin Perëndimor”, ka thënë kryeministri i Malit të Zi.
Ndërsa, i pari i Prishtinës tha se është i nderuar që ta pres në vizitën e tij të parë në Prishtinë, kryeministrin Abazoviq.
Ai tha se këtë ‘Çelës’ po ia dhuron si simbolikë që Abazoviq ta ndjej veten si në shtëpinë e tij, si dhe siç u shpreh Rama “të lidh më shumë dy shtetet”.
“Na keni nderu me vizitën tuaj në kryeqytet, prandaj dëshirojmë të ju dhurojmë Çelësin e Prishtinës… Kjo është shtëpia juaj dhe jeni të mirëseardhur kurdoherë. Shpresoj që ky Çelës të lidhë shtetet tona edhe më shumë, pra Kosovën me Malin e Zi. Po ashtu edhe personalisht për ju që ta ndjeni veten si në shtëpinë e juaj”, ka thënë Rama. /Telegrafi/
Hvala gradonačelniku Prištine @perparim_rama na uručenom Ključu grada Prištine ?
Velika čast i podsticaj na daljem afirmisanju novih ideja i bolje budućnosti Zapadnog Balkana ?? ?? ?? ❤️ ?? pic.twitter.com/ld9TJKiCrb
— Dr Dritan Abazovic (@DritanAbazovic) April 14, 2023
