Dhurim Zhuri është huazuar nga Prishtina te skuadra e Besës. Lajmin e ka konfirmuar ekipi kryeqytetas.
“Sa i përket afatit kalimtar, në ditën e fundit të këtij afati, më 31 janar, sulmuesi Dhurim Zhuri është huazuar në Besë të Pejës”, shkruan në njoftimin e bardhekaltërve në Facebook.
Në ndërkohë skuadra e Prishtinës është kthyer në kryeqytet pas fazës përgatitore dyjavore në Turqi.
“Ekspedita e Prishtinës dje mbrëmë është rikthyer në kryeqendër pas 14 ditëve të fazës përgatitore në Turqi”.
“Kryetrajneri Ramadani i ka dhënë ekipit pushim dyditor, ndërsa i rikthehet seancave stërvitore të enjten. Gëzon fakti që gjatë qëndrimit në Antalya nuk ka futbollistë të lënduar dhe skuadra po gëzon formë optimale fizike”, thuhet në njoftim. /Telegrafi/
