Dy aktorë egjiptianë e kanë denoncuar unionin e filmit të Egjiptit për dëbim, pasi morën pjesë në një diskutim publik në Washington, ku kritikuan ndryshimet kushtetuese të propozuara që do t’i lejonin presidentit Abdel-Fattah el-Sissi të qëndrojë në pushtet deri në vitin 2034.
Aktorët Khaled Abol Naga dhe Amr Waked u akuzuan gjithashtu nga ky union për tradhti dhe anëtarësimi i tyre është anuluar.
Eaked ka thënë se vendimi ishte “absurd dhe një ndërhyrje në zgjedhjet politike personale”, kurse Naga është shprehur se është gjë qe keqe që unioni nuk kishte komunikuar me aktorët përpara se të marrë “vendimin e nxituar”.
Të dy ata u bashkuan me kongresistin e SHBA-ve, Tom Malinowski, një demokrat dhe të tjerë në një panel më parë këtë javë mbi ndryshimet kushtetuese që sanksionojnë rolin e ushtrisë në politikë dhe lejojnë El-Sissin të kandidojë për më shumë se dy mandate gjashtëvjeçare pasi mandati i tij i dytë, katërvjeçar përfundon në vitin 2022 – transmeton KP.
Unioni i filmit egjiptian ka njoftuar se dy aktorët “kërkuan ndihmën e fuqive të jashtme kundër vullnetit të popullit… duke shërbyer agjendën e atyre që komplotojnë kundër sigurisë dhe stabilitetit të Egjiptit”.
Waked ishte një yll i filmit në Egjipt para se të fillojë të shfaqej në hitet ndërkombëtare të kinemasë, si “Syriana”, së bashku me George Clooney dhe “Salmon Fishing in the Yemen”, së bashku me Emily Blunt dhe Ewan McGregor.
Naga gjithashtu krijoi karrierën në Egjipt, para debutimit në skenën ndërkombëtare në vitin 2006, në trillerin amerikan “Civic Duty”.