Këngëtarja e njohur shqiptare, Fjolla Morina, ditëve të fundit është shumë aktive në rrjetet sociale.
Shpesh ajo ndan me ndjekësit fotografi të ndryshme nga jeta e saj e përditshme, teksa së fundmi publikoi për fansat një imazh krah një burri misterioz.
Ajo shihej në ashensor, ndërsa fytyra e mashkullit ishte tërësisht e mbuluar nga një buqetë e madhe me lule, së cilën ia kishte bërë dhuratë për 8 mars.
Fansat kanë dyshuar se personi në fjalë mund të jetë ish-bashkëshorti i saj, sipërmarrësi Fisnik Syla.
Mirëpo ky i fundit, duket se përmes një postimi të bërë në rrjetet sociale, ka lënë të kuptohet se nuk është ai personi.
Kjo pasi Fisniku publikoi një fotografi të një buqete me lule për 8 mars, në mbishkrimin e së cilës uroi të gjitha gratë, në veçanti nënën e tij – por nuk përmendi askënd tjetër.
NJë nënë dhe gruas besnike dhe e ndershme është shtylla e shtëpisë, e ardhmja e ndritur e gjithë shoqërisë. Gëzuar 8 marsin nën ime, më e shtrenjta në botë. Urime edhe të gjitha grave, paqe, shëndet dhe lumturi në jetë”, shkroi ai në mbishkrimin e fotografisë.
Fjolla dhe Fisniku përndryshe i kanë pasur të shpeshta postimet ngacmuese ndaj njëri-tjetrit në rrjetet sociale, duke mos lënë të kuptohet nëse janë bashkë apo jo. /Telegrafi/