Pas festët së Pashkëve për ish-kryeministrin Nikolla Gruevski, vijon një javë e ngjeshur sa i përket seancave gjyqësore kundër tij.
Prej të martën deri të premten ai duhet të paraqitet çdo ditë në Gjykatën Penale. Të martën dhe të mërkurën gjegjësisht me 10 dhe 11 prill janë planifikuar seanca gjyqësore për lëndën “Tanku”, ku Gruevski akzohet për blerjen e paligjshme të Mercedesit të shtrenjtë, përcjell Telegrafi Maqedoni.
Të enjten më 12 prill, duhet të mbahet seanca e dytë gjyqësore për lëndën “Titanik”, pasi më herët avokatët mbrojtës kërkuan më shumë kohë që të përgatisin dëshmitë.
Deri në fund të muajit Gruevski duhet të merr pjesë në 10 seanca gjyqësore edhe atë: 5 gjykime për lëndën “Tanku”, 3 për “Titanik”, 1 për “Traektorja” dhe 1 për lëndën “Dhuna në Qendër”.
Kundër ish-kryeministrit ka 5 aktakuza aktive të ngritura nga Prokuroria Speciale, ndërsa ndaj tij tre tjera janë në fazën parahetimore./Telegrafi/