Investcorp dhe Ares Capital po konsiderojnë një lëvizje për Interin pas dështimit për të blerë Milanin, sugjerojnë raportet e mediave në Itali.
Kompania me bazë në Bahrein, Investcorp dhe firma amerikane e investimeve Ares Capital dukej se ishin në garë për të përfunduar blerjen e kuqezinjve, por kampionët e Serie A u blenë përfundimisht nga kompania private e investimeve Redbird.
Por, gazeta La Repubblica raporton se kompania Investcorp është e vendosur të arrijë blerjen e një klub të Serie A dhe kanë kthyer vëmendjen e tyre te Interi.
Raporti vjen pas një takimi të rastësishëm mes palëve të ndryshme në një mbrëmje Gala të Serie A në Nju Jork.
Sipas raportit, dëshmitarët e ngjarjes thonë se një anëtar i grupit pretendohet të ketë thënë: “Nëse nuk blen Milanin, blen Interin”.
Repubblica – Investcorp e Ares puntano la Serie A: Inter nel mirino. Lo scenariohttps://t.co/caievY4Aom
— Fcinter1908 (@fcin1908it) July 3, 2022
Nerazzurrët janë përballur me vështirësi financiare që nga pandemia COVID-19 dhe në maj 2021, grupi i pronësisë së klubit Suning Group arriti një marrëveshje prej 275 milionë euro me Oaktree Capital Management.
Verën e kaluar, vështirësitë ekonomike panë largimin e Romelu Lukakut dhe Achraf Hakimit, ndërsa sivjet Milan Skriniar gjithashtu lidhet me një largim. /Telegrafi/