Që nga fillimi i Big Brother VIP, aktori Donald Veshaj dhe balerini, Ilir Shaqiri kanë qenë në vëmendje të publikut dhe kjo si rezultat i debateve të shpeshta me njëri-tjetrin.
Dy banorët të cilët konsiderohen pretendentët kryesor për të fituar çmimin e madh prej 150 mijë eurosh kanë diskutuar vazhdimisht dhe kanë patur qëndrime të ndryshme pothuajse për secilën temë.
Një debat i fortë mes tyre ndodhi edhe në spektaklin e së premtes (4 shkurt), kur Iliri hyri në mes të diskutimit të Donaldit me moderatoren, Einxhel Shkira.
Iliri iu drejtuar Donaldit duke i thënë se edhe përkundër që ai vet e kishte pranuar se e ka tradhtuar bashkëshorten, aktori ia kishte përsërit sërish duke i thënë nëse ndihej fajtor për këtë.
Kjo bëri që Donaldi të acarohen edhe më shumë duke e kundërshtuar Ilirin, madje e quajti edhe person fals që ndryshe flet më të gjatë javës dhe ndryshe në ‘prime’.
Gjatë ditëve të fundit ata të dy nuk kanë komunikuar së bashku pothuajse në asnjë rast, kjo gjë u vu re edhe mëngjesin e sotëm (6 shkurt).
Donaldi dhe Iliri ishin të dy në oborr të ulur pranë pishinës, teksa i ndante një distancë e vogël por ata refuzonin të kishin ndonjë komunikim me njëri-tjetrin.
Theksojmë që finalja e BB VIP mbahet më 18 shkurt, ndërsa Iliri tashmë është përzgjedhur si finalisti i parë. /Telegrafi/
* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.