Reperi Fero ditë më parë është arrestuar nga autoritetet nën dyshimet se ka ushtruar dhunë ndaj bashkëshortes së tij, modeles Arbenita Ismajli.
Në lidhje me këtë, Gjykata Themelore në Gjilan ka aprovuar kërkesën e Prokurorisë Themelore në Gjilan, duke ia caktuar masën e paraburgimit në kohëzgjatje prej 30 ditësh.
Disa ditë pas raportimit të kësaj ngjarje, ka reaguar vet Arbenita, e cila përmes një shkrimi të publikuar në InstaStory, ka njoftuar fansat se ajo dhe vajza e saj janë mirë.
“Ju faleminderit për kujdesin dhe mbështetjen. Unë dhe Nina jemi mirë. Unë besoj në drejtësi”, ka shkruar shkurt Ismajli në InstaStory.
Përndryshe, lidhur me ngjarjen në fjalë e cila ka bërë bujë gjithandej në media, në emisionin “Rreth e rrotull” të RTV Dukagjinit, foli pak ditë më parë edhe gazetarja e Telegrafit, Egzona Shigjeqi.
Ajo së bashku me të ftuarin tjetër, gazetarin Erdonit Hoxha nga ‘Syri Net Kosova’, diskutuan në detaje mbi rastin në fjalë si dhe problemet e mëparshme që ky çift ka pasur.
Përgjatë bisedës në studio, u diskutua edhe për ndarjet tjera të famshme mes çifteve në estradën shqiptare dhe mënyrën se si shumë prej tyre e përdorin jetën private për të ruajtur vëmendjen mediale. /Telegrafi/
