Pas 3,187 ditëve të kaluara dhe 511 ndeshjeve të zhvilluara, mesfusha e Barcelonës ka pasur përbërje të huaj, duke mos pasur asnjë futbollistë të dalë nga akademia e klubit, La Masia.
Lëndimet e Andres Iniestas dhe Sergio Busquetsit kanë bërë që te Barcelona të ndodh diçka e pazakontë, së paku në nëntë sezonet e fundit.
Ndeshja e Copa del Reyt ndaj Atletico Madridit në Vincente Calderon, e fituar 2-1 nga skuadra e Luis Enrique, ka pasur për bazë një mesfushë të përbërë nga gjithë të huaj.
Treshja e mesfushës së katalunasve ishte e përbërë nga Javier Mascherano, Ivan Rakitic dhe Andre Gomes, duke mos pasur asnjë lojtar të dalë nga akademia e klubit La Masia, transmeton Telegrafi.
Kjo gjë nuk ka ndodhur që nga sezoni 2007/08, ndeshja e fundit me Frank Rijkaardi në stol, në ndeshjen në mes të ekipit të Barcelonës dhe Mallorcas që u fitua me rezultat 2-3.
Atë ditë, ekipi Barca kishte një mesfushë të formuar me Edmilson, Toure dhe Deco dhe që nga atëherë kanë kaluar 3,187 ditë dhe janë luajtur 511 ndeshje ku kanë marrë pjesë gjithmonë të paktën një lojtar të dalë nga akademia e FC Barcelonës. /Telegrafi/
