Në ndeshjen finale të Ligës së Kampionëve, mes Real Madridit dhe Juventusit, në Torino të Italisë u bë një organizim i madh ku të gjithë fansat e gjigantit italian do të mund ta ndiqnin lojën në sheshin kryesor.
Mirëpo, jo gjithçka shkoi siç ishte planifikuar, pasi që nga një panik i krijuar nga sulme terroriste, të paktën 1500 persona kërkuan ndihmën mjekësor.
Mjaftoi të krijohej një lajm i rrejshëm që ka sulm terrorist dhe turma u largua shpejtë nga sheshi, duke bërë që të shtypen qindra persona.
Më së keqi e pësoi Erika Pielotin, e cila nuk mundi ti mbijetoj plagëve të marra dhe ka ndërruar jetë sot (e enjte).
Ajo po mbahej në spital deri të enjten, në gjendje kome, mirëpo nuk ja doli të këndellej, duke humbur jetën në moshën 38-vjeçare.
