Gruaja e Kanye West, Bianca Censori dukej e rraskapitur kur doli në Itali e veshur me bikini dhe pa këpucë.
Arkitektja australiane e “Yeezy”, 28 vjeçe, u pa duke fërkuar sytë me një shprehje të zymtë në fytyrën e saj teksa u takua me reperin e “Stronger”, 46 vjeç, në Firence të martën.
Fotot e marra nga PageSix tregojnë Censori duke ecur drejt një automjeti me një palë dollakë të zeza dhe një shall të hollë rreth qafës së saj, së bashku me pjesën e sipërme të bikinit të zezë dhe zbathur.
Ajo i kishte flokët brune me një prerje të shkurtër dhe mbante një çantë dore të zezë, së bashku me disa libra.
Ndërkohë, bashkëshorti i saj, me të cilin u martua në një ceremoni joligjore në janar, pati një ditë të ngarkuar në kryeqytetin toskan.
Një dëshmitar okular tha se West u largua nga hoteli i tij në mëngjes dhe u drejtua për në një fabrikë pëlhurash në Prato East.
Ai bëri një ndales në një dyqan “Balenciaga” me një nga miqtë e tij përpara se të hynte në një dyqan akulloresh me një peshqir të bardhë mbi kokë.
Ai përfundimisht u kthye në hotelin e tij ku u takua me Censori dhe u drejtua së bashku në një shtëpi ferme në zonën Galluzzo të Firences.
Nuk kishte asnjë shenjë nga fëmijët e West, të cilët ai i ndan me ish-gruan, Kim Kardashian, por çiftit iu bashkuan disa anëtarë të ekipit të tij.
Ish-çifti finalizoi divorcin e tyre në nëntor 2022, tetë vjet pasi u martuan në një ceremoni në Itali. /Telegrafi/
