Klubi francez, Paris Saint-Germain e ka ende si objektiv mesfushorin e Interit, Marcelo Brozovic.
Brozovic është njëri nga lojtarët kryesor të Interit në sezonet e fundit dhe ishte njëri nga vendimtarët në fitimin e titullit në sezonin e fundit në Serie A.
Paraqitjet e tij të mira kanë bërë që kroati të pëlqehet shumë nga klubet evropiane.
Situata e tij me kontratën që skadon në fund të sezonit dhe mos rinovimi deri tani ka bërë që interesimi vetëm të rritet.
Sipas mediumit Corriere Dello Sport, Brozovic është subjekt i interesimit nga Paris Saint-Germain.
Gjigantët e Ligue 1 po planifikojnë të bëjnë një ofertë për 28-vjeçarin, i cili do të bëhet lojtar i lirë verën e ardhshme.
Interi po punon për ta lidhur Brozvic me kushte të reja, por koka e tij mund të kthehet nëse PSG përpiqet ta josh atë për tu transferuar në Francë në afatin e janarit. /Telegrafi/