Deri në fundjavë mbi vendin tonë do të vazhdojë të mbretërojë mot stabil, i ngrohtë, me diell dhe intervale me vranësira.
Nga dita e diel një front i ftohtë që do të kaloj nga rajoni pritet të zbres lehtë temperaturat, por që nuk do të sjellë të reshura.
Nga dita e martë gjatë javës së ardhshme, fusha ciklonike dhe masa të ftohta ajrore nga Atlantiku verior do të depërtojnë edhe mbi rajonin tonë, ku pritet të sjellin përkeqësim të motit me reshje shiu, si dhe rënie të ndjeshme të temperaturave nën vlera mesatare.
Do të fryjë erë e lehtë dhe drejtimesh të ndryshme 1-4m/s. Shtypja atmosferike mbetet e lartë, mbi vlera normale, por në fillim të javës pritet të pësojë rënie.