Telegrafi

Paraqitja superiore me agjërim e Kantes kundër Real Madridit do të kujtohet në gjithë historinë e Ligës së Kampionëve

Shkumbin Pireva

Mesfushori i Chelseat, N’Golo Kante mbuloi fjalë për fjalë çdo teh të fushës në një shfaqje kolosale të Ligës së Kampionëve kundër Real Madridit.

Kante, i cili u zgjodh ‘Lojtari i ndeshjes’ ndihmoi Chelsean të mposhte Realin me rezultat 2-0 në ndeshjen kthyese të gjysmëfinales së Ligës së Kampionëve, ndërsa u kualifikuan në finale falë rezultati përfundimtar 3-1.

Francezi i ‘vogël’, i cili po agjëronte, dha një nga paraqitjet e tij më të mira me fanellën e Chelsat, duke dominuar absolutisht mesin e fushës.

Ai kontrolloi mesfushën, duke mohuar kërcënimin e Luka Modric dhe Toni Kroos – prishi lojën e kundërshtarit dhe niste sulmet e ekipit të tij në një paraqitje heroike.

Kante luajti një rol të madh në golin e parë të skuadrës së tij ndërsa Timo Werner goditi me kokë nga afërsia për të hapur rezultatin në Stamford Bridge.

Ai vazhdoi të orkestronte procedurat në mes të fushës dhe tregoi ritmin e tij deri në minutat e fundit, duke krijuar edhe një kundërsulm sublim me Wernerin.

Vrapimet e tij dhe ritmi i lojës është edhe më mbresëlënës kur mendoni se ai po respekton Ramazanin dhe po agjëron gjatë ditës.

Paraqitja e tij ndaj Realit thuhet se do të hyjë në analet e historisë së Ligës së Kampionëve, si njëra nga paraqitjet më të mira ndonjëherë nga një lojtar. /Telegrafi/