Eduardo Camavinga u bë golashënuesi më i ri i Francës në mbi 100 vjet kur shënoi në ndeshjen e tij të parë ndërkombëtare si titullar, vetëm 17 vjeç dhe 332 ditë i vjetër.
Skuadra e Didier Deschamps prodhoi një paraqitje mbizotëruese ndaj Ukrainës të mërkurën në mbrëmje, me gola nga të tillë si Olivier Giroud, Kylian Mbappe dhe Antoine Griezmann duke siguruar një fitore 7-1 në Stade de France.
Por, përkundër golave nga disa nga lojtarët më të njohur në botë, ishte një performancë e veçantë nga mesfushori i talentuar Eduardo Camavinga që kapi titujt kryesorë.
Mesfushorit qendror 17-vjeçar, i cili luan për Rennes në Ligue 1, iu deshën vetëm nëntë minuta për të gjetur rrjetën me një gol të shkëlqyeshëm akrobatik.
Camavinga, me shpinë nga porta, goditi topin në mënyrë të përkryer për të shënuar atë që doli të ishte goli i më i mirë i ndeshjes.
2 – Eduardo Camavinga has become France’s 2nd youngest player ever to score for Les Bleus (17 years and 11 months), only behind Maurice Gastiger against Switzerland in March 1914 (17 years and 5 months). Wonder.#FRAUKR pic.twitter.com/JcEKtLf41o
— OptaJean (@OptaJean) October 7, 2020
Një përmbledhje e performancës së jashtëzakonshme të mesfushorit kundër Ukrainës tashmë është shfaqur në mediat sociale dhe kjo tregon se Franca ka një talent të veçantë në duart e tyre.
Tashmë është e qartë se pse disa nga klubet më të mëdha në Evropë janë bashkuar në garë për të nënshkruar me talentin e madh të Rennes. /Telegrafi/
