Lucas Paqueta nuk do të udhëtojë me Milanin për ndeshjen ndaj Brescias dhe raportet e mediave në Itali pretendojnë se ai ka kërkuar të lihet jashtë.
Braziliani arriti në San Siro një vit më parë, por është lidhur me një largim nga Rossonerët këtë dimër, pasi filloi vetëm tetë ndeshje në ligë këtë sezon.
Largimi i Paquetas thuhet se pritet të ndodh, pasi lojtari mungon për ndeshjen e kësaj jave në Serie A ndaj Brescia.
Sipas Sky Sport Italia dhe Calciomercato.com, Paqueta i kërkoi Stefano Piolit që ta linte atë jashtë skuadrës, që do të thotë se ai është duke pritur për një largim.
Në mesin e lojtarëve të zgjedhur për këtë lojë, është Ricardo Rodriguez, i cili është lidhur me një transferim në Fenerbahce.
Davide Calabria mungon ende, por Mateo Musacchio dhe Hakan Calhanoglu janë përfshirë në skuadër.
Ekipi i Milanit për ndeshjen ndaj Brescia: Begovic, A. Donnarumma, G. Donnarumma; Conti, Gabbia, Hernandez, Kjaer, Musacchio, Romagnoli, Rodriguez; Bennacer, Bonaventura, Calhanoglu, Kessie, Krunic; Castillejo, Ibrahimovic, Leao, Piatek, Rebic, Suso
/Telegrafi/
🔴⚫️ #BresciaMilan: #SerieATIM Matchday 21
The squad heading to Brescia
I 21 rossoneri per la trasferta di Brescia#SempreMilan pic.twitter.com/Az9VS0xzCt— AC Milan (@acmilan) January 23, 2020