Edhe pse ndaj Skocisë u pa një ekip, i cili nuk arriti thuajse në një asnjë moment të krijonte një rast të denjë në portën kundërshtare, trajneri Cristian Panucci u shpreh pas ndeshjes së fitorja ishte e dhuruar për kundërshtarin.
Shqipëria pësoi 2-0 me dy gola në pjesën e dytë të pranuar pas një pjese të parë kryesisht në defensivë.
“E përgatitëm ndeshjen shumë mirë, patëm edhe ne rastet tona në këtë sfidë, por ne i dhuruam dy gola kundërshtarit”, tha Panucci.
Sa i përket lënies në stol të Bashës, i cili zhvilloi një ndeshje mjaft të mirë me Izraelin, Panucci u shpreh se vendosi të bënte ndryshime në këtë sfidë, por në fund gaboi.
Ai u shpreh ndër të tjerë se problemi i kësaj kombëtareje është mbrojtja, duke lënë shumë hapësira prapa. /TCH/