Ajo gjithmonë duket e bujshme sa herë që del jashtë.
Dhe Rita Ora u sigurua të dukej shumë në modë ndërsa u pa prezentë në hapjen e restorantit të mikut të saj Vas J Morgan, “The Broadway Muswell Hill” në Londër të premten.
Këngëtarja 29 vjeçare, mori vëmendjen me një palë pantallona të shkurtra lëkure të ngushta për trupi, të cilat theksuan fizikun e saj të tonifikuar, shkruan DailyMail.
Rita i kombinoi pantallonat e shkurtra me një xhaketë sportive elegante ngjyrë deveje, pak të hapur te pjesa e dekoltesë.
Ajo i shtoi shkëlqim dukjes së saj me një palë taka të zeza me një detaj argjendi nëpër këmbë dhe gjithashtu përmes xhevahireve të gjelbërt dhe argjendtë në pantallonat e saj të shkurtra.
Bukuroshja shqiptare i la flokët e saj kaçurrela të lirshme, tëcilat binin mbi supet e saj, teksa merrte poza jashtë restorantit.
Duke mos harruar aksesorët, Rita kishte me vete një çantë të madhe të zezë me një zinxhir argjendi dhe vuri një maskë të zezë për fytyrën ndërsa mbërrinte.
Gjatë gjithë natës të gjithë mysafirët u siguruan që të respektonin distancën shoqërore dhe masat e sigurisë ishin në vend, të tilla si njerëzit që mbërrinin dhe uleshin veç e veç.
Të tjerë të famshëm në listën e të ftuarve përfshinin emrat si: Chloe Sims dhe Pete Wicks të “TOWIE” si dhe Roman Kemp dhe Lottie Moss.
Gjithashtu pritej që për të festuar restorantin e ri të ishin të pranishëm edhe: Alfie Allen, Montana Brown dhe Mabel.
Rita tani është përsëri në Mbretërinë e Bashkuar pasi kaloi pjesën më të madhe të verës me pushime në Greqi dhe Ibiza.
Para Greqisë, Rita kishte pushime në Ibiza me miqtë e saj dhe të dashurin e saj të ri, Romain Gavras. /Telegrafi/
