Deputeti britanik Alok Sharma i është nënshtruar testit të coronavirusit dhe aktualisht gjendet në vetëizolim, pasi nuk ishte ndjerë mirë me shëndet derisa i ishte drejtuar deputetëve nga foltorja e Parlamentit britanik.
Sharma ishte djersitur dhe për disa herë kishte fshirë ballin me faculetë derisa po diskutonte, transmeton Telegfrafi.
Ndërkaq e tërë salla është “dezinfektuar”, si preventivë në momentin që Sharma është larguar nga salla.
Ndryshe ky deputet kishte marrë pjesë në një takim në kabinetin e kryeministrit britanik Boris Johnson në Downing Street.
Edhe pse numri i deputetëve që lejohen të ulen në Parlament vazhdon të jetë i kufizuar, shumë nuk janë të kënaqur që duhet të rikthehen në Westminister, duke pretenduar se paraqet rrezik për ta dhe votuesit e tyre. /Telegrafi/
