Në orët e para të mëngjesit të sotëm, një veturë është përplasur në rrethojën mbrojtëse pranë zyrës së kancelares gjermane Angela Merkel në Berlin, shkruan Reuters.
Detaje të këtij incidenti janë ende duke u hetuar, kurse policia po kontrollon veturën e zezë që kishte disa mbishkrime të shkruara me ngjyrë të bardhë si “Stop politikës globale”, transmeton Telegrafi.
E në anën tjetër të veturës është shkruar “Ju të mallkuar, po vrisni fëmijë dhe të moshuar”.
Në vend të ngjarjes kanë dalë dhjetëra policë dhe ekipi i zjarrfikësve.
Merkel sot është dashur të jetë nikoqire e një video-konference të kryetarëve të komunave gjermane, ku do të diskutohej për zgjatjen e bllokadës dhe hapat e mëtutjeshëm në luftën kundër pandemisë së coronavirusit. /Telegrafi/
