Të enjten është vrarë në rrugët e kryeqytetit ukrainas Kiev ish-deputeti rus, Denis Voronenkov. Por vetëm mbrëmë vonë janë zbardhur dhe janë bërë publike pamjet e momentit të ekzekutimit.
Ai u ekzekutua në një nga rrugët më të frekuentuara të kryeqytetit ukrainas, gjatë ditës.
Voronenkov njihej si një kundërshtar i ashpër i presidentit Vladimir Putin dhe politikave të tij.
Atentatori afrohet ngadalë dhe e qëllon pas shpine ish-deputetin, më pas personin që e shoqëronte, duke i lëshuar përtokë të dy, por vrasësi kthehet dhe e qëllon prapë Voronenkov.
Presidenti ukrainas, Petro Poroshenko, e ka cilësuar vrasjen si një akt terrorist dhe akuzon autoritetet ruse.
