Site icon Telegrafi

Pamje të reja të rënda arrijnë nga Izraeli: Njerëz të mbytur, të lënduarit që kërkojnë ndihmë

Nol Elshani

Regjistrimet e reja të tragjedisë në Izrael po mbërrijnë, ku 44 njerëz u vranë në një festival fetar, ndërsa rreth 150 u plagosën.

Kryeministri izraelit Benjamin Netanyahu vlerësoi se ishte një “tragjedi e madhe”, raporton reuters.

Aksidenti ndodhi kur grupe hebrenjsh ultra-ortodoksë në një numër të madh kaluan nëpër varrin e një të “plaku të urtë” të shekullit të II-të, Rabbi Shimson Bar Jochaj, gjatë përkujtimeve që përfshinin vigjilenca, këngë mistike dhe vallëzim.

Dëshmitarët okularë thonë se njerëzit mbyten ose u shkelën në pasazhe të ngushta, transmeton Telegrafi.

Helikopterët bartën të plagosurit në një spital në veri të Izraelit, ushtria izraelite tha në një shërbim të ndihmës së shpejtë që ekipet e shpëtimit dhe mjekësisë ishin të përziera.

Zyrtarët e urgjencës e përshkruan incidentin si një “shkelje” dhe thanë se më shumë se 100 njerëz u plagosën, shumë prej tyre me lëndime fatale.

Kanali 12 raportoi se kishte mbi 40 të vdekur gjersa dëshmitarët okularë shtuan se kishte fëmijë në mesin e tyre, raporton haaretz.

Varri i malit Meron konsiderohet si një nga vendet më të shenjta në botën hebraike dhe vizitohet nga shumë besimtarë çdo vit. Kjo u konsiderua si një nga tubimet më të mëdha publike në Izrael që nga fillimi i pandemisë së coronavirusit gjersa vitin e kaluar mbledhja u ndalua për shkak të masave kufizuese. /Telegrafi/

Exit mobile version