Luon Town ia doli të merrte një pikë përballë Liverpoolit në kuadër të javës së 11-të në Ligën Premier.
Por, Hatters kanë edhe një problem madhor në duar. Kjo për shkak se një pjesë e një çatie tualeti në stadiumin Kenilworth Road u shemb, duke lënë një vrimë të hapur dhe copa betoni në të gjithë dyshemenë.
Luton ishte afër të merrte tri pikë, pasi shënoi golin e epërsisë në minutën e 80-të me Tahith Chong.
Por, Luis Diaz që u inkuadrua në ndeshje në minutën e 84-të, ia doli të shënonte në minutën e 95-të për 1-1.
Dhe rezultati do të thotë që Luton është ende në zonën e rënies me vetëm gjashtë pikë nga 10 ndeshje.
Megjithatë, skuadra që u promovua në elitën e futbollit anglez në këtë edicion, ka një problem tjetër.
Pamjet e pabesueshme të realizuara nga gazetari i Daily Telegraph, Thom Gibbs, gjatë ndeshjes së Liverpoolit treguan se çatia e një tualeti për meshkuj në tribunën kryesore ishte shembur.
Një vrimë e madhe mund të shihej në tavan, me grumbuj copëzash që mbulonin si dyshemenë ashtu edhe toaletin.
Kenilworth Road u ndërtua në vitin 1905 pasi Luton la shtëpinë e tyre të mëparshme në Dunstable Road.
Arena me 11,500 vende është e vendosur midis shtëpive të banimit, duke e bërë atë stadiumin më unik në vend.
Luton rizhvilloi Kenilworth Road me një kosto prej 10 milionë euro në fillim të këtij viti, duke e bërë atë gati për media për edicionin e tyre të parë në Ligën Premier. /Telegrafi/
