Janë publikuar disa pamje nga stërvitjet e Barcelonës që tregojnë Lionel Messin duke u stërvitur i vetëm.
Skuadra katalunase përjetoi edhe humbjen e tretë në këtë edicion të La Ligës, pasi u mposhtën në udhëtim te Atletico Madridi 1-0.
Gjiganti Blaugranas më pas filloi stërvitjet për ndeshjen e dytë ndaj Dinamo Kievit në kuadër të fazës ë grupeve në Ligën e Kampionëve.
The squad for #DynamoBarça! 💪🟦🟥 pic.twitter.com/LDzHAjXAPE
— FC Barcelona (@FCBarcelona) November 23, 2020
Por, Messi nuk ka udhëtuar për në Ukrainë, pasi është lënë në pushim nga Ronald Koeman.
Lojtari 33-vjeçar do të rikthehet në aksion në fundjavë, atëherë kur Barcelona do të takohet me Osasunën, derisa në stërvitje ai duket shumë i vetmuar.
— Culé (@MessiScored) November 23, 2020
Tifozët e Blaugranasve kanë shprehur pikëllimin e tyre duke parë kapitenin e skuadrës në gjendje jo të mirë.
Messi ka arsye të ndihet ashtu, pasi në verë nga skuadra iu larguar shoku më i ngushtë i skuadrës, Luis Suarez që kaloi te Los Rojiblancos. /Telegrafi/