Një vajzë e re palestineze ka humbur të ëmën, tri motrat dhe dy vëllezërit kur shtëpia e tyre në Gazë u bombardua, është bërë e ditur nga Kryqi i Kuq i Palestinës.
Siç raporton Sky News, kjo organizatë humanitare postoi fotografitë e Haya Arouq nga spitali ku shihet në karrocë, pasi ka pësuar lëndime serioze, transmeton Telegrafi.
Ekipi i mjekëve brenda Kryqit të Kuq të Palestinës, i kanë ofruar ndihmën e parë Hayas dhe babait të saj, pasi dyshja humbën pjesën tjetër të familjes.
Në anën tjetër luftime të ashpra janë duke u zhvilluar në Khan Younis, ku raportohet se shumë civilë kanë mbetur të ngujuar nën rrënojat e objekteve të shkatërruara gjatë sulmeve ajrore të izraelitëve.
Ndërkaq nga IDF-ja kanë bërë të ditur se po vazhdojnë të godasin objektet që Hamasi i shfrytëzonte si qendra stërvitore. /Telegrafi/
Haya Arouq, a young girl, faced a tragic loss as her mother and all her siblings—three sisters and two brothers—martyred when their home in #Gaza was bombed. 💔Haya sustained serious injuries, including fractures in both hands and the pelvis, rendering her unable to move or sit… pic.twitter.com/v8qe9H7WGV
— PRCS (@PalestineRCS) December 7, 2023